17.4.12

ياقوي باسي و ياقوتك ..


في نفس المكان اللي جمعنا
ايام كنا اثنين بالحيل مختلفين وعن بعض غريبين .

دارت فينا الايام و تفارقنا
بعد ماصرنا روح واحده تسكن بجسدين ..
 صدفه و صدمه و دمعه مكابره اجمعتنا ..

وبدورك اقفيت وبسرعه عني تصديت
تحسب ان احساسي مارصد الحنين
اللي بصدرك مثل سيل انهمر !!

وانا من الرهبه و دقات قلبي الثايره
فجأه كل شي نسيت ..

تخيل
نسيت اني نسيتك
وقلت اني مايوم حبيتك
ومن قلبي محيتك !؟

صرت وين ماتروح بنظراتي اتبعك
يمكن عيوني بلحظه تكسرك
و فيني تذكرك ..

بصادق الغرام و الضحك و الغزل و الدلع
والزعل والهجر والعتب واحلى ايام الوصال ..

وبضحكه كاذبه باعلى صوتي ضحكت
خفت تفضحني قدام البشر حيرتي و ونتي
و وجهي اللي كساه الحزن !

ضحكت ..
ابي تعرف اني بعدك بخير
ماوقف ها الكون ..
ماتغير فيني شي مثل ماقلت .. قويه و صامده !

ليتك بس تدري ياحبيبي كم انا كاااذبه !
ياقوي باسي و ياقوتك
ياليت في يوم نقدر من جديد نسلم و ننكسر !!

11.4.12

الحب .. !



مالحب اختيار او قرار 
حتى نبحث فيه عن اسباب نقدمها
لما احببنا شخصا دون الآخر ..
الحب اقرب مايكون الى فوهة بركان 
يبدو وكأنه خامدا للأبد 
ولكن قد يثور يوما ما
 ولأي سبب دون انذار مسبق !!